സഊദി അറേബ്യ മതകാര്യ മന്ത്രാലയത്തിൻ്റെ ക്ഷണമനുസരിച്ച് എത്തിയ ജാമിഅ അൽഹിന്ദ് അൽ ഇസ്ലാമിയ്യ പ്രതിനിധികൾക്ക് ഉജ്ജ്വല സ്വീകരണം.

മക്ക : മതകാര്യ വകുപ്പ് മക്ക റീജണൽ ഡയറക്ടർ ഡോ. സാലിം ബിൻ ഹാജ് അൽ ഖാമിരിയുടെ സാന്നിധ്യത്തിൽ മതകാര്യ വകുപ്പ് മന്ത്രിയുടെ അണ്ടർസെക്രട്ടറി ഡോ. അവ്വാദ് ബിൻ സബ്തി അൽ-അൻസിയുടെ നേതൃത്വത്തിൽ ബുധനാഴ്ച മക്കയിൽ ജാമിഅ അൽ ഹിന്ദ് പ്രതിനിധികൾക്ക് ഊഷ്മളമായ സ്വീകരണം ലഭിച്ചു. വിസ്ഡം ഇസ്ലാമിക് ഓർഗനൈസേഷൻ, ജാമിഅ അൽ ഹിന്ദ് എന്നിവയുടെ പ്രസിഡണ്ട് പി.എൻഅബ്ദുല്ലത്തീഫ് മദനി, ജാമിഅ ഡയറക്ടർ ഫൈസൽ മൗലവി, ഡോ.സയ്യിദ് മുഹമ്മദ് ശാക്കിർ എന്നിവരായിരുന്നു സംഘത്തിലുണ്ടായിരുന്നത്. ഡോ. അവ്വാദ് അൽ-അനസി, ജാമിഅ: അൽ ഹിന്ദ് സംഘത്തെ സ്വാഗതം ചെയ്യുകയും തങ്ങളുടെ സന്ദർശനത്തിൽ സന്തോഷം രേഖപ്പെടുത്തുകയും ആശംസകൾ നേരുകയും ചെയ്തു സൗഹൃദ സംഭാഷണങ്ങൾ കൊണ്ടും പൊതു പ്രാധാന്യമർഹിക്കുന്ന കാര്യങ്ങളും മതപരമായ വിഷയങ്ങളിലുമുള്ള ചർച്ചകൾ കൊണ്ടും ധന്യമായിരുന്നു കൂടിക്കാഴ്ച . സൗദി ഭരണകൂടം മാനവതക്കും ഇസ്ലാമിനും മുസ്ലിമീങ്ങൾക്കും ചെയ്യുന്ന സേവനത്തെക്കുറിച്ചും ഇരു ഹറമുകളുടെയും അവിടങ്ങളിൽ തീർത്ഥാടനത്തിനായി എത്തുന്ന വിശ്വാസികളുടെ സംരക്ഷണത്തിനായി ചെയ്യുന്ന പ്രയത്നങ്ങളെക്കുറിച്ചും ഇസ്ലാമിക പ്രബോധന മേഖലയിലും ചാരിറ്റി മേഖലയിലും ഭീകരവാദത്തെ ഇല്ലായ്മ ചെയ്യുന്നതിലും ഇസ്ലാമിന്റെ തനതായ മധ്യമ രീതി പ്രചരിപ്പിക്കുന്നതിലും ഭരണകൂടം നിർവഹിക്കുന്ന സംഭാവനകളെയും ജാമിഅ സംഘം പ്രത്യേകം പ്രശംസിച്ചു . ഇരു ഹറമുകളുടെയും സംരക്ഷകർ എന്ന നിലയിൽ, ലോക മുസ് ലിംകളുമായി ബന്ധപ്പെട്ട മുഴുവൻ കാര്യങ്ങളിലും രാജ്യത്തിന് പ്രത്യേക സ്ഥാനവും പങ്കുമുണ്ടെന്ന് സംഘം ഊന്നിപ്പറഞ്ഞു. കേരളത്തിലെ മത പ്രബോധന സംരംഭങ്ങളെയും വിസ്ഡം ഇസ്‌ലാമിക് ഓർഗനൈസേഷന്റെയും ജാമിഅ അൽ ഹിന്ദിന്റെയും പ്രവർത്തനങ്ങളെയും വിശദമായി പരിചയപ്പെട്ട അണ്ടർ സെക്രട്ടറി സമ്പൂർണ്ണ സംതൃപ്തി രേഖപ്പെടുത്തി. കൂടിക്കാഴ്ചയുടെ അവസാനത്തിൽ തങ്ങൾക്ക് നൽകിയ വശ്യമായ സ്വീകരണത്തിന് സൗദി മതകാര്യ വകുപ്പ് മന്ത്രി ഡോ.അബ്ദുല്ലത്തീഫ് ബിൻ അബ്ദുൽ അസീസ് ആലു ശൈഖിന് നന്ദിയും അഭിനന്ദനവും അറിയിച്ചു. മതകാര്യ വകുപ്പ് മന്ത്രിയുടെ അതിഥികളായിട്ടാണ് ജാമിഅ സംഘം സഊദിയിലെത്തിയത്. മക്ക- മദീന സന്ദർശനവും പരിശുദ്ധ ഉംറ നിർവഹണവും കിങ്ങ് ഫഹദ് ഖുർആൻ പ്രിന്റിങ്ങ് പ്രസ്സ് സന്ദർശനവും മന്ത്രാലയത്തിന്റെ നേതൃത്വത്തിൽ ഔദ്യോഗികമായി തന്നെ നടത്താനും സംഘത്തിന് അവസരം ലഭിച്ചു. കൂടുതൽ കരുത്തോടെയും ആത്മാർത്ഥതയോടെയും പ്രവർത്തന രംഗത്ത് മുന്നേറുവാൻ അല്ലാഹു തൗഫീഖ് നൽകട്ടെ.. ആമീൻ അര മണിക്കൂർ നീണ്ട കൂടിക്കാഴ്ചയുടെ വിശദാംശങ്ങൾ ഫോട്ടോ സഹിതം മന്ത്രാലയത്തിന്റെ വെബ്സൈറ്റിൽ പ്രസിദ്ധീകരിച്ചതിൻ്റെ ലിങ്ക് താഴെ https://www.moia.gov.sa/MediaC.../News/Pages/21051444_1.aspx